"Барселона" ҳимоячиси Хавьер Маскерано майдонга кам тушаётганидан норози. 33 ёшли футболчи клубини ўзгартирмоқчилиги ва Аргентинага қайтиши мумкинлигини айтди.
"Мен учун асосийси - бахтиёр бўлиш. Ишларнинг боришига қараб қарор чиқараман. "Барселона"да аввалгидай кўп майдонга тушмаяпман. Ҳа, майдонга тушиб турибман, жамоа аъзосиман. Машғулотлардаги меҳнатим сабабли ҳар ўйинда майдонга тушишга ҳақлиман. Мен кўпроқ ўйнашни истайман, аммо бошқа футболчилар бунга лойиқмас, демоқчимасман.
Вазиятни таҳлил қиламан. Менга Аргентинадан ҳеч қандай таклиф бўлмаган, бу ҳақида ўйлаб кўрганим йўқ. Кўрамиз, келажакда нима бўлар экан", - дейди Маскерано.
