"Barselona" himoyachisi Xavyer Maskerano Braziliya termasi hujumchisi Neymarning kataloniyaliklar safini tark etishi jamoaga og‘ir zarba bo‘lganini ta’kidladi.
Neymar o‘tgan mavsum yakunidan so‘ng 222 mln yevro evaziga "PSJ" safiga o‘tib ketgan edi.
"Agar jamoani o‘z saviyasidagi o‘yinchi tark etsa, juda katta bo‘shliq qoldiradi. Axir u jamoamizda katta rolni bajarar edi. Biz hatto o‘yin sistemasizni o‘zgartirishga va maydonda boshqacha harakatlanishga majbur bo‘ldik. Jamoamizga Dembele kelib qo‘shildi, ammo u bechora erta jarohat oldi va o‘z saviyasini ko‘rsatishga ulgurmadi.
Neymarning ketishi biz uchun og‘ir zarba bo‘ldi, buni kutmagan edik. Ammo "Barselona" uni sog‘inaverishi kerak emas va usiz tarkib qurishimiz kerak", - deydi Maskerano.
