"Барселона" ҳимоячиси Хавьер Маскерано Бразилия термаси ҳужумчиси Неймарнинг каталонияликлар сафини тарк этиши жамоага оғир зарба бўлганини таъкидлади.
Неймар ўтган мавсум якунидан сўнг 222 млн евро эвазига "ПСЖ" сафига ўтиб кетган эди.
"Агар жамоани ўз савиясидаги ўйинчи тарк этса, жуда катта бўшлиқ қолдиради. Ахир у жамоамизда катта ролни бажарар эди. Биз ҳатто ўйин системасизни ўзгартиришга ва майдонда бошқача ҳаракатланишга мажбур бўлдик. Жамоамизга Дембеле келиб қўшилди, аммо у бечора эрта жароҳат олди ва ўз савиясини кўрсатишга улгурмади.
Неймарнинг кетиши биз учун оғир зарба бўлди, буни кутмаган эдик. Аммо "Барселона" уни соғинавериши керак эмас ва усиз таркиб қуришимиз керак", - дейди Маскерано.
