"PSJ" hujumchisi Neymar bilan bosh murabbiy Unai Emeri o‘rtasida munosabatlar yaxshi emasligi aytilmoqda.
L’Equipe nashrining xabariga ko‘ra, brazililik futbolchi murabbiyni qo‘llab-quvvatlamaydi va uni kuchli mutaxassis deb bilmaydi. U Emerining taktik qarorlariga bo‘ysunmaydi va ko‘p e’tiroz bildiradi.
Bundan tashqari, mutaxassis o‘yinga tayyorgarlik jarayonini o‘zgartirishga majbur bo‘lgan. Neymarning e’tirozidan so‘ng o‘yinlarni videotahlil qilish vaqti kamaytirilgan.
Manbada yozilishicha, muxlislar Emeridan ko‘ra, Neymarni ko‘proq qo‘lab-quvvatlaydilar.
