"ПСЖ" ҳужумчиси Неймар билан бош мураббий Унаи Эмери ўртасида муносабатлар яхши эмаслиги айтилмоқда.
L’Equipe нашрининг хабарига кўра, бразилилик футболчи мураббийни қўллаб-қувватламайди ва уни кучли мутахассис деб билмайди. У Эмерининг тактик қарорларига бўйсунмайди ва кўп эътироз билдиради.
Бундан ташқари, мутахассис ўйинга тайёргарлик жараёнини ўзгартиришга мажбур бўлган. Неймарнинг эътирозидан сўнг ўйинларни видеотаҳлил қилиш вақти камайтирилган.
Манбада ёзилишича, мухлислар Эмеридан кўра, Неймарни кўпроқ қўлаб-қувватлайдилар.
