Chelsi” klubi prezidenti Roman Abramovich jamoa bosh murabbiyi Antonio Konte va futbolchilar o‘rtasida yuzaga kelgan kelishmovchilikka barham berish niyatida, deya xabar berilmoqda.

Manbada ta’kidlanishicha, rossiyalik tadbirkor David Luis va Konte o‘rtasidagi mojaroga aralashish niyatida. Biroq u mojaroni (kelishmovchilikni) qanday bartaraf etmoqchi ekanligi haqida bayonot bermagan.

Eslatib o‘tamiz, Braziliyalik futbolchi jamoa ustozi bilan tortishib qolganligi sabab, “Manchester Yunayted”ga qarshi o‘yinni tribunadan kuzatgan edi.

Nima bo‘lganda ham bu kelishmovchilik “Chelsi” klubi prezidenti Roman Abramovich tomonidan bostirilishi, yoki, aksincha, “Chelsi” va uning o‘yinchisi hamda murabbiyini “piar” qilish maqsadida uzoq davom ettirilishi mumkin.

Ma’lumot uchun, 2003 yilning 2 iyul sanasidan boshlab rossiyalik tadbirkor Roman Abramovich “Chelsi” klubi (£140 mln) prezidenti (egasi) hisoblanadi.

Roman Arkadyevich Abramovich 1966 yilning 24 oktyabr sanasida Saratovda (Rossiya Federasiyasi) tavallud topgan. )

Hozirda biznesmen, milliarder deb ta’rif beriladigan sobiq mansabdor shaxs ma’lum muddat Rossiya Federasiyasidagi muxtor viloyatning gubernatori, 2008 yilning 22 oktyabridan 2013 yilning 2 iyul sanasigacha Chukotka muxtor viloyatining Duma raisi lavozimlarida faoliyat yuritgan.