"Olmaliq" bilan uchrashuvdan so‘ng "Paxtakor" bosh murabbiyi uchrashuv xususida fikrlarini bildirdi.

Shota Arveladze:  - Bugun uyda ushbu mavsumdagi so‘nggi o‘yinimizni o‘tkazdik. Ishqibozlarimizga rahmat aytaman. Ular oxirgi uchrashuvlarda jamoani juda yaxshi qo‘llab-quvvatlab turishdi. Muxlislar sonining ko‘payishi bizga qo‘shimcha kuch beradi.

O‘yinni to‘liq nazorat qildik va raqibga deyarli zarba berishga yo‘l qo‘ymadik. Ikkinchi davrada uydagi barcha bellashuvlarda g‘alaba qozondik va birgina gol o‘tkazdik.

Oldimizda so‘nggi uchrashuv qoldi. "Nasaf" bilan Qarshida maydonga tushamiz. Jamoaga kelganimda oldimga uchlikdan o‘rin olish vazifasi qo‘yilgandi. Endi oxirgi o‘yinimiz ikkinchi o‘rin masalasini hal qiladi. O‘sha uchrashuvda bor kuchimizni ishga solamiz. Yutgan taqdirimizda ikkinchi o‘rinni qo‘lga kiritamiz.