Qatar va Iroq (U17) yoshlar termasi jamoalari o‘rtasidagi mundialga yo‘llanma olish uchun o‘tkazilgan o‘yinda kutilmagan holat yuz berdi. Bu o‘yinning asosiy vaqti 1:1 hisobi bilan yakun topdi. O‘yin taqdiri penaltilar seriyasida hal bo‘ladigan bo‘ldi.
Penaltilar seriyasida Qatar posboni hal qiluvchi zarbani qaytardi va g‘alabani futbolkasini yechib nishonladi. Biroq hakam penalti noto‘g‘ri qaytarilganini, ya’ni futbolchi zarba bermasidan oldin darvozabon oldinga chiqib ketganini qayd etib, penalti qaytadan amalga oshirilishini ta’kidladi. O‘z navbatida esa Qatar posboniga futbolkasini yechgani uchun ikkinchi sariq kartochkani ko‘rsatib, maydondan chetlatdi. Uning o‘rnini esa Qatar sardori egalladi. Buni qarangki, Qatar termasi sardori darvozabon vazifasini ajoyib bajarib, penaltini qaytardi va jamoasini mundialga olib chiqdi. Videoni mana bu yerda tomosha kiling.
