Қатар ва Ироқ (U17) ёшлар термаси жамоалари ўртасидаги мундиалга йўлланма олиш учун ўтказилган ўйинда кутилмаган ҳолат юз берди. Бу ўйиннинг асосий вақти 1:1 ҳисоби билан якун топди. Ўйин тақдири пенальтилар сериясида ҳал бўладиган бўлди.
Пенальтилар сериясида Қатар посбони ҳал қилувчи зарбани қайтарди ва ғалабани футболкасини ечиб нишонлади. Бироқ ҳакам пенальти нотўғри қайтарилганини, яъни футболчи зарба бермасидан олдин дарвозабон олдинга чиқиб кетганини қайд этиб, пенальти қайтадан амалга оширилишини таъкидлади. Ўз навбатида эса Қатар посбонига футболкасини ечгани учун иккинчи сариқ карточкани кўрсатиб, майдондан четлатди. Унинг ўрнини эса Қатар сардори эгаллади. Буни қарангки, Қатар термаси сардори дарвозабон вазифасини ажойиб бажариб, пенальтини қайтарди ва жамоасини мундиалга олиб чиқди. Видеони мана бу ерда томоша килинг.
