Germaniya terma jamoasi himoyachisi Jerom Boateng Fransiyaga qarshi o‘rtoqlik uchrashuvida maydonga tushmaydi. Bu haqda Bundestim bosh murabbiyi Yoaxim Lyov xabar berdi.
“Boateng bu haftada bo‘lib o‘tgan mashg‘ulotlarda qatnashmadi. Uni qaytib Myunxenga jo‘natamiz.
Jeromning mushaklari biroz lat yegan, lekin men tavakkalga qo‘l urishni istamayman. Boateng yaxshisi jarohatidan tezroq va xotirjam qutulib olsin”, - deydi Lyov.
Eslatib o‘tamiz, Boateng Angliyaga qarshi uchrashuvda ham maydonga tushirilmadi.
