“Bavariya” klubi himoyachisi Mats Xummels bosh murabbiy Yupp Xaynkessning sirini aytdi.

“U ishini doim qat’iy intizom va aniq tizim asosida olib boradi. Bu esa jamoamizga katta foyda keltiryapti. Xaynkess jamoaga yangi qat’iyat olib kirdi. U har doim mendan nima kutayotganini ochiq-oydin aytadi. Men, aslida, murabbiylarim bilan ochiq-oydin gaplashganman. Xaynkess ham futbolchilarga dangal va ochiq gapiradi. Vazifalarimizni aniq tushuntirib beradi”, dedi Xummels.