Italiya terma jamoasi yarim himoyachisi Federiko Bernardeski JCH-2018ga chiqa olmagan jamoasi haqidagi fikrlari bilan o‘rtoqlashdi.
«Biz juda ham darg‘azabmiz, JCH-2018ga chiqolmaslik – haqiqiy tragediya.
Terma jamoaning tajribali a’zolari bunday holatga loyiq emasdilar, biz ularga pand berdik. Xalqaro futbol deb atalmish toshga o‘z nomini o‘yib yozgan Italiya bugun tarixining bir qismini yo‘qotdi.
Ularning qilgan xizmatlari uchun chin yurakdan rahmat aytaman. Endi terma jamoa taqdiri biz kabi yoshlar qo‘lida, biz ularning izidan borishimiz va terma safida g‘alabalarga erishishimiz juda muhim», – deydi futbolchi.
