Италия терма жамоаси ярим ҳимоячиси Федерико Бернардески ЖЧ-2018га чиқа олмаган жамоаси ҳақидаги фикрлари билан ўртоқлашди.
«Биз жуда ҳам дарғазабмиз, ЖЧ-2018га чиқолмаслик – ҳақиқий трагедия.
Терма жамоанинг тажрибали аъзолари бундай ҳолатга лойиқ эмасдилар, биз уларга панд бердик. Халқаро футбол деб аталмиш тошга ўз номини ўйиб ёзган Италия бугун тарихининг бир қисмини йўқотди.
Уларнинг қилган хизматлари учун чин юракдан раҳмат айтаман. Энди терма жамоа тақдири биз каби ёшлар қўлида, биз уларнинг изидан боришимиз ва терма сафида ғалабаларга эришишимиз жуда муҳим», – дейди футболчи.
