“Manchester Yunayted” ustozi Joze Mourinyo Rojdestvo arafasidagi o‘yin taqvimidan norozi bo‘ldi. Uni “Arsenal”ning o‘yin jadvali qoniqtirmadi.
“Shunday narsalar borki, bahslashishga arziydi. Shunday narsalar borki, muhokama qilishga arziydi. Masalan, “Arsenal”ning 22 va 28 dekabrda o‘ynashi adolatdanmi? To‘g‘ri, men “Arsenal”ning Rojdestvoni ajoyib tarzda nishonlashini istayman, lekin bu vaqtda boshqa jamoalar o‘ynayotgan bo‘lishadi. Masalan, “MYU” 23 dekabrda “Lester” mehmoni bo‘ladi, 26 dekabrda esa “Byornli”ni qabul qiladi. Keyin 30 dekabrda “Sautgempton”ga qarshi o‘ynaydi. “Manchester Siti” esa 23 dekabrda “Bornmut”, 27 dekabrda “Nyukasl”, 31 dekabrda esa “Kristal Pelas”ga qarshi harakat qiladi. “Arsenal” esa 22 dekabrda “Liverpul”ni qabul qiladi, so‘ng 28 dekabrda “Kristal Pelas” mehmoni bo‘ladi”, dedi Joze.
