“Манчестер Юнайтед” устози Жозе Моуриньо Рождество арафасидаги ўйин тақвимидан норози бўлди. Уни “Арсенал”нинг ўйин жадвали қониқтирмади.

“Шундай нарсалар борки, баҳслашишга арзийди. Шундай нарсалар борки, муҳокама қилишга арзийди. Масалан, “Арсенал”нинг 22 ва 28 декабрда ўйнаши адолатданми? Тўғри, мен “Арсенал”нинг Рождествони ажойиб тарзда нишонлашини истайман, лекин бу вақтда бошқа жамоалар ўйнаётган бўлишади. Масалан, “МЮ” 23 декабрда “Лестер” меҳмони бўлади, 26 декабрда эса “Бёрнли”ни қабул қилади. Кейин 30 декабрда “Саутгемптон”га қарши ўйнайди. “Манчестер Сити” эса 23 декабрда “Борнмут”, 27 декабрда “Нюкасль”, 31 декабрда эса “Кристал Пэлас”га қарши ҳаракат қилади. “Арсенал” эса 22 декабрда “Ливерпул”ни қабул қилади, сўнг 28 декабрда “Кристал Пэлас” меҳмони бўлади”, деди Жозе.