«Arsenal» klubi bosh murabbiyi Arsen Venger jamoa yarim himoyachisi Santi Kasorlaning jarohati borasida o‘z fikrlari bilan o‘rtoqlashdi.
32 yoshli futbolchi jamoa mashg‘ulotlariga kirishgan, biroq maydonga yangi yil boshidagina qaytishi mumkin. Avvalroq, futbolchi ushbu jarohat sabab oyog‘idan ayrilib qolishiga bir bahya qolganini aytgan edi.
«Ha, bu men o‘z faoliyatim davomida ko‘rgan eng og‘ir jarohat. Bu dahshatli. Ammo Santi futbolni qanchalik yaxshi ko‘rishini bilaman. U shug‘ullanishga urinmoqda.
Umid qilamanki, Kasorla yanvardan safimizga qaytadi. Uni boshqa futbol o‘ynay olmaydi deganlar adashgan deb umid qilaman», — deydi Venger.
