«Barselona» rahbariyati yarim himoyachi Arda Turanning xizmatlariga ortiq muhtoj emas, deya xabar qilmoqda AS nashri.

Manbada aytilishicha, kataloniliklar 30 yoshli futbolchini qo‘yib yuborishga tayyorlar, biroq uning transferi borasida hech qanaqa taklif olmaganlar.

Asosiy muammo shundaki, «Barselona» transfer orqali hech bo‘lmasa turkiyalik futbolchini qo‘lga kiritish uchun sarflagan pullarini qoplamoqchi. Kataloniyaliklar Ardani 2015 yilda 34 mln yevro evaziga «Atletiko»dan sotib olgandilar.

Avvalroq, Turanning xizmatlariga «Galatasaray» klubi qiziqish bildirayotgani aytilgandi, ammo futbolchi Turkiyaga qaytmoqchi emas. Uning «Barselona» bilan amaldagi shartnomasi 2020 yilga qadar amal qiladi.