«Manchester Yunayted»ning sobiq sardori Rio Ferdinand bir necha yil oldin hujumchi Harri Keynning «qizil iblislar» safiga amalga oshmay qolgan transferi haqida fikr bildirdi.
«Keynni sotib olishdan voz kechish — «Manchester Yunayted» so‘nggi 10 yil ichida yo‘l qo‘ygan eng katta xatodir. Menimcha, agar klub «Tottenxem» so‘ragan summani to‘laganida, ular Harrini qo‘lga kiritgan bo‘lishardi. Agar bu transfer bir necha million ustidagi bahs sababli amalga oshmagan bo‘lsa, bu dahshatli qaror bo‘lgan deb hisoblayman. Ishonchim komil, agar «Manchester Yunayted» Deklan Rays va Harri Keynni o‘z tarkibiga qo‘shib olganida, hozir jamoa mutlaqo boshqa darajada bo‘lardi», — dedi Ferdinand o‘z podkastida.
Eslatib o‘tamiz, Harri Keyn 2023 yilda «Tottenxem»dan «Bavariya»ga 95 million yevro evaziga o‘tgan edi.
