Matbuot anjumanining navbatdagi qismida jamoamiz ustozi Ro‘ziqul Berdiyev ishtirok etdi va o‘yin haqidagi fikrlari bilan o‘rtoqlashdi.

-Barcha muxlislarni tabriklayman. Mavsum davomida bizni qo‘llab-quvvatlagan barcha ishqibozlarga, insonlarga minnatdorchilik bildiraman. Chiroyli g‘alabaga erishdik.

Birinchi bo‘lim teng kurashlar ostida o‘tdi. Lekin ular birinchi bo‘lib, xavfli vaziyat ham yarata olishdi. Raqibimiz juda kuchli edi, ammo muxlislarimizda va futbolchilarimizda g‘alabaga bo‘lgan ishtiyoq yuqori bo‘ldi. Buning evaziga biz bugun haqli ravishda, yirik hisobda g‘alaba qozondik

Shunday hisobni kutganmidik? Aytib o‘tdim, raqib ancha jiddiy edi. Shu boisdan bunday hisobni kutmagandik. Qaysidir ma’noda, bugun omadimiz ham keldi. Yaratilgan vaziyatlarni barchasini golga aylantira oldik.

Nimadan xavotirda edim?  O‘yinni  qiymati juda yuqori bo‘lib ketdi.

Bu holat futbolchilarga  ortiqcha bosim yuklashi mumkin. Lekin hozirgi kunga kelib bizning jamoamizning tayyorgarligi "Paxtakor"dan ko‘ra yaxshiroq. Agarda bosim bo‘lganida, futbolchilarimiz bu kabi yorqin va erkin harakat qila olishmasdi.

Kelgusi rejalarimiz, “Navbahor” bilan bo‘ladigan o‘yindan keyin tuziladi.

OCHLda o‘ynash uchun yaxshi salohiyatga ega futbolchilar zarur. Bu albatta jiddiy masala. Bu borada klub rahbariyati bilan maslahatlashamiz. OCHLda qatnashadigan bo‘lsak, bizga ikkita bir xil tarkib kerak bo‘ladi. Chunki ikki frontda yaxshi ishtirok uchun ikkita teng kuchli tarkib lozim bo‘ladi. Bizni o‘z qo‘z ostimizga olib qo‘ygan futbolchilarimiz bor. Hozircha ularning nomini aytishga erta.

Aytib o‘tish joizki, bizda quyi ligada o‘ynagan, o‘rinbosarlarimiz tarkibida o‘ynayotgan kedajagi porloq o‘yinchilarimiz bor. Kelgusida albatta ularni asosiy tarkibimizga jalb qilamiz.