“Neftchi” – ” Mash’al ” (2:1) uchrashuvidan keyin mehmonlar ustozi Aleksandr Xomyakov o‘z fikrlarini bildirdi.

– Bugun shogidlarim  o‘z imkoniyatlari darajasida o‘yin namoyish etishmadi. Balki jadvaldagi o‘rnimiz ham bunga ta’sir qilayotgandir. Bahsda yirik hisobda mag‘lub bo‘lishimiz mumkin edi. Alamlisi, xar ikkala bo‘limni ham gol o‘tkazib yuborish bilan boshladik. Fikrimcha, yigitlar chempionatni  erta yakunlab qo‘yishdi, chog‘i. Men murabbiyman. Mening vazifam futbolchilarni xar bir bahsda oxirigacha kurashishga da’vat etishdan iborat hisoblanadi.

“Neftchi” haqida fikrlaringiz ?

– Farg‘ona jamoasini oxirgi bahslarini kuzatish imkoniyati bo‘lmadi. Biroq himoya chizig‘i ancha kuchaygan ekanligi, shuningdek intizomli futbol yo‘lga qo‘yilgani meni e’tiborimni tortdi. Shu holos. Ochig‘i, raqib haqida chuqur fikr bildirish men uchun murakkab hisoblanadi.

– “Mash’al”ning yaponiyalik legioneri nega maydonga tushmadi?

– Bahs davomida majburiy o‘zgarishlar ko‘p bo‘ldi. Shu sabab uni maydonga tushirishning imkoni topilmadi.

– Keyingi yili Oliy ligada 12 ta jamoa bo‘lishi e’lon qilindi. Bu haqida qanday fikrdasiz ?

– Mavsum tugashiga 4 tur qolganda reglamentga o‘zgartirish kiritilishi biroz shoshqaloqlik bo‘ldi deb o‘ylayman. Chempionat tugaganidan so‘ng barcha klub vakillarini yig‘ib maslahat qilinganda, balki ovoz yo‘li bilan bu masala o‘z yechimini topganda maqsadga muvaffiq bo‘lardi, – dedi Aleksandr Xomyakov