«Real» bosh murabbiyi Zayniddin Zidan Yevropa chempionlar ligasi guruh bosqichining 5-turi doirasida APOELga qarshi bo‘lib o‘tgan o‘yin (6:0) borasida o‘z fikrlarini bildirib o‘tdi.

«Natijadan qoniqish hosil qildim. Oltita gol urib, o‘z darvozamiz daxlsizligini saqlab qoldik. "Real" ajoyib o‘yin o‘tkazdi va aqlli futbol namoyish qildi. Yigitlar uchun xursandman. Boisi, ular muvaffaqiyatga erishish uchun ter to‘kib mehnat qilishmoqda. Vaziyat yaxshi tomonga o‘zgarishini bilamiz. Shunday ruhda davom etishimiz kerak. Ronaldu va Benzemaning gollarini ko‘p kutib qolmasligini bilardik. Mavsum davomida pasayishlar yuz beradi, lekin ular o‘z o‘yinlarini kuchaytirishiga shubha qilmagandik», — dedi Zidan.