Jamoamiz a’zolari so‘nggi tur o‘yiniga tayyorgarlikni boshlab yuborishdi. Mashg‘ulotlar «Markaziy» o‘yingohda o‘tkazilmoqda. Tarkibimizda yo‘qotishlar ham yo‘q emas, jarohat bois Akmal Xolmurodov va Jalil Kimsanovlar mashg‘ulotlarda ishtirok etishmayapti. Quvonarlisi, jamoamiz sardori Nosir Otaqo‘ziyev umumiy guruh mashg‘ulotlariga qo‘shildi. Futbolchilarimiz mavsumning oxirgi uchrashuvida muxlislarimizni xursand etishni maqsad qilishgan. Shu sababli mashg‘ulotlarga zo‘r berishdi.
Eslatib o‘tamiz, Oliy liga 30-tur doirasidagi “Qo‘qon-1912” – “Olmaliq” uchrashuvi 25 noyabr kuni Qo‘qondagi “Markaziy” stadionida bo‘lib o‘tadi.
Navbatdagi bahsda vakillarimizga omad tilab qolamiz.
