Жамоамиз аъзолари сўнгги тур ўйинига тайёргарликни бошлаб юборишди. Машғулотлар «Марказий» ўйингоҳда ўтказилмоқда. Таркибимизда йўқотишлар ҳам йўқ эмас, жароҳат боис Акмал Холмуродов ва Жалил Кимсановлар машғулотларда иштирок этишмаяпти. Қувонарлиси, жамоамиз сардори Носир Отақўзиев умумий гуруҳ машғулотларига қўшилди. Футболчиларимиз мавсумнинг охирги учрашувида мухлисларимизни хурсанд этишни мақсад қилишган. Шу сабабли машғулотларга зўр беришди.
Эслатиб ўтамиз, Олий лига 30-тур доирасидаги “Қўқон-1912” – “Олмалиқ” учрашуви 25 ноябрь куни Қўқондаги “Марказий” стадионида бўлиб ўтади.
Навбатдаги баҳсда вакилларимизга омад тилаб қоламиз.
