“Bavariya” hujumchisi Robert Levandovskining fikricha, uning klubi guruhda birinchi o‘rinni olishi uchun guruh bosqichi so‘nggi turida “PSJ”ni kamida 4:0 hisobida mag‘lub etishi kerak. Bu jamoalar o‘rtasidagi birinchi o‘yinda fransuzlar 3:0 hisobida zafar quchishgandi.

“Biz guruhda birinchi o‘rinni olish imkoniga egamiz. Albatta, raqibni 4:0 hisobida mag‘lub eta olamiz. To‘g‘ri, bu qiyin, biroq biz uyimizda o‘ynaymiz, Myunxenda esa hamma narsa bo‘lishi mumkin. Bor kuchimizni ishga solamiz”, dedi Levandovski.