“Бавария” ҳужумчиси Роберт Левандовскининг фикрича, унинг клуби гуруҳда биринчи ўринни олиши учун гуруҳ босқичи сўнгги турида “ПСЖ”ни камида 4:0 ҳисобида мағлуб этиши керак. Бу жамоалар ўртасидаги биринчи ўйинда французлар 3:0 ҳисобида зафар қучишганди.
“Биз гуруҳда биринчи ўринни олиш имконига эгамиз. Албатта, рақибни 4:0 ҳисобида мағлуб эта оламиз. Тўғри, бу қийин, бироқ биз уйимизда ўйнаймиз, Мюнхенда эса ҳамма нарса бўлиши мумкин. Бор кучимизни ишга соламиз”, деди Левандовски.