“Arsenal” ustozi Arsen Venger “Manchester Yunayted”ga qarshi o‘yin oldidan fikr bildirdi.
“Mourinyo “Arsenal”ga qarshi o‘yinda “avtobus” qo‘yadi, deb o‘ylamayman. Ayni paytda men o‘zimizni tiklab olish haqida bosh qotiryapman. “MYU” — kuchli jamoa va bizga yaxshigina muammo tug‘diradi. Mourinyo himoyaga yotib olmasligi aniq. Hozir biz ham, “MYU” ham yaxshi o‘yin ko‘rsatyapmiz, demak, bizni oldinda qiziqarli uchrashuv kutyapti”, dedi Venger.
Ayni paytda “Arsenal” 28 ochko to‘plab, 4-o‘rinda bormoqda. 32 ochko jamg‘argan “MYU” esa 2-o‘rinni band qilgan.
