AQSHning Anaxaym shahrida davom etayotgan og‘ir atletika bo‘yicha jahon chempionatida bugun erkaklar o‘rtasida 69 kg. vazn toifasida bellashuvlar bo‘lib o‘tdi.
Ushbu vaznda yurtimiz sharafini himoya qilayotgan Doston Yoqubov siltab ko‘tarishda 179 kg. og‘irlikni o‘ziga bo‘ysundirib, final bosqichi ishtirokchilari orasida eng yaxshi natijani qayd etdi va oltin medalga sazovor bo‘ldi.
Ikkinchi o‘rinni koreyalik sportchi Von Jeongsuk (178 kg.) egallagan bo‘lsa, bronza medali fransiyalik Kingue Matamga (178 kg.) nasib etdi. Doston dast ko‘tarishda 135 kg. natijasini qayd etgandi.
Demak, summada hamyurtimiz ko‘rsatgan natija 314 kg. og‘irlik bo‘ldi. Ikkikurash yakunlariga ko‘ra Koreya Respublikasi vakili Von Jeongsuk (148+178=326 kg.) oltin medalga ega chiqqqqan bo‘lsa, tailandlik Bunsuk Tairat (147+174=321 kg.) kumush medaliga loyik ko‘rildi. Fransiyalik Kingue Matam (141+177=318 kg. ) esa kuchli uchlikka yakun yasab berdi. Siltab ko‘tarishda oltin medal sohibi bo‘lgan Doston Yoqubov ikkikurash yakunlariga ko‘ra (135+179=314kg.) oltinchi o‘rin bilan cheklandi.
O‘zbekiston Milliy olimpiya qo‘mitasi O‘zbekiston terma jamoasi a’zosi Doston Yoqubovni jahon chempionatining oltin medali bilan muborakbod etadi. Musobaqa davom etadi.
