Angliya Premyer-Ligasining 15-turidan o‘rin olgan markaziy “Arsenal” hamda “Manchester Yunayted” jamoalari o‘rtasidagi uchrashuv yakuniga yetdi. Uchrashuvda mehmonlar 3:1 hisobida ishonchli g‘alabani qo‘lga kiritishdi.
Dastlab, uchrashuvning 4-daqiqasida Antonio Valensiya hisobni ochdi. 11-daqiqada Jessi Lingard Petr Chex qo‘riqlayotgan darvozani ishg‘ol qilib, hisobni 2:0 ko‘rinishiga keltirdi.
Ikkinchi bo‘lim boshlanishi bilanoq Aleksandr Lyakazett Sanchesning uzatmasidan so‘ng oradagi farqni bittaga qisqartirishga erishdi.
63-daqiqada yana Jessi Lingard katta sahnaga chiqib Pogbaning uzatmasidan keyin ochiq qolgan darvozaga gol urdi.
75-daqiqada “qizil iblislar” yarim himoyachisi Pol Pogba Ektor Belyeringa qarshi bahsda qo‘pollik ishlatdi va hakam uni maydondan chetlatdi.
10 kishi bo‘lib qolgan Mourinyo shogirdlari himoyaga bor e’tiborlarini qaratishdi va yakunda muhim g‘alabani rasmiylashtirishdi.
“Arsenal” – “Manchester Yunayted” 1:3.
Gollar: 0:1 – 4 Valensiya, 0:2 – 11 Lingard, 1:2 – 49 Lyakazett, 1:3 – 63 Lingard.
Arsenal – Chex, Mustafi (Ivobi, 15), Monreal, Kolashinas (Jiru, 76), Kosyelni, O‘zil, Remzi, Sanches, Jaka (Uelbek, 70), Belyerin, Lyakazett.
Manchester Yunayted – De Xea, Smolling, Roxo, Valensiya, Lindelef, Pogba, Yang (Reshford, 90), Matich, Lingard (Darmian, 76), Marsyal (Errera, 67), Lukaku.
Ogohlantirishlar: Roxo (58), Belyerin (72), Kosyelni (87), Errera (89), Sanches (89).
Chetlatish: Pogba (74).
