Angliya premyer ligasining 15-tur uchrashuvlari o‘z poyoniga yetdi.
Mazkur turni «Manchester Siti» hamda «Vest Xem» o‘rtasidagi super-o‘yin yakunlab berdi. Va unda «shaharliklar» 2:1 hisobida g‘alabaga erishdi.
Bahs odatdagidek «Manchester Siti»ning ketma-ket hujumlari bilan boshlandi. Taym o‘rtalariga kelib esa mehmonlar o‘yinni biroz maydon markaziga sura olishdi.
Taym oxirlariga kelib kutilmaganda mezbonlar darvozasi ishg‘ol etildi. Aniqrog‘i, 44-daqiqada qanotdan yetkazib berilgan to‘pni Anjelo Ogbonna boshi bilan darvozaga joylab qo‘ydi. Shu tariqa taym yakunlandi.
Ikkinchi bo‘limda esa haqiqiy hujumkor «Siti»ni ko‘rindi va «Vest Xem» darvozasi oldida hujumlar yomg‘irini uyushtirdi.
Mazkur holat esa, albatta, o‘z mevasini berdi va 57-daqiqada Sterlingning to‘p uzatishidan so‘ng Niklas Otamendi muvozanatni tikladi.
Mezbonlar bu bilan to‘xtab qolishgani yo‘q, aksincha goldan ruhlanib, yanada katta kuch bilan oldinga o‘tishdi. Ba’zi holatlarda omad mezbonlardan yuz o‘girgan bo‘lsa, ba’zi holatlarda Adrianning super seyqlari «Vest Xem»ni asrab qolgandi.
Ammo bu holat ham «bolg‘achilar»ga yordam bera olmadi. 83-daqiqaga kelib, Kevin de Bryunening ajoyib uzatmasidan so‘ng David Silva yengilgina ijro yetgan zargarona zarbasi bilan hisobni jamoasining foydasiga o‘zgartirdi va manashu hisob yakunda «Manchester Siti»ga 3 ochko bilan birga ketma-ket 13-g‘alabani taqdim etdi.
ANGLIYA CHEMPIONATI. 15-TUR
MANCHESTER SITI – VEST XEM 2:1 (0:1)
3 dekabr, «Etixad Stedium»
Gollar: 0:1 – 44 Ogbonna, 1:1 – 57 Otamendi, 2:1 – 83 Silva.
Manchester Siti: Ederson, Uoker, Otamendi, Mangalya, Danilo (Gabriel Jezus, 46), de Bryuyne, Silva, Sane (Bernardu Silva, 90), Delf, Sterling, Aguero (Fernandinyo, 85).
Vest Xem: Adrian, Sabaleta, Masuaku, Kressuell, Ogbonna, Antonio (Ayyu, 88), Obiang, Lansini (Arnautovich, 69), Rays, Fernandesh, Kuyate (Sako, 43).
Ogohlantirishlar: Rays (17), de Bryuyne (59), Adrian (90), Gabriel Jezus (90+4).
