Ispaniyaning “Barselona” jamoasi bosh murabbiyi Ernesto Valverdening ta’kidlashicha, shogirdlari YECHLning guruh bosqichida yetakchilik qilayotgan bo‘lsa-da, “Sporting”ni hurmat qilishini aytdi.

“Bu turnir bizga juda ko‘p narsalarni berdi. Raqiblarni xurmat qilishni o‘rganishimiz kerak. Bizning vazifamiz – g‘alaba uchun o‘ynash”, - deydi Valverde.

Shuningdek, mutaxassis markaziy himoyachi Samuel Umtiti borasidagi yo‘qotish haqida gapirdi.

“Umtiti haqida nima deyishim mumkin? Bizda vaziyatni to‘g‘irlash uchun vaqt kam edi. Hozircha uning o‘rnida o‘ynay oladigan futbolchilar juda ko‘p. Pike, Vermalen, Serxio Buskets, hattoki, Lyuka Din ham bu pozisiyada o‘ynay oladi”, - deydi Valverde.