Madridning “Real” klubi bosh murabiyi Zinedin Zidan “Borussiya”ga qarshi uchrashuvdagi g‘alaba (3:2) dan so‘ng o‘yin va pley–off haqida o‘z fikrlarini bildirib o‘tdi.
“Varanning jarohati biz uchun katta yo‘qotish bo‘ldi. Rafael xammasi joyida ekanligini aytdi, lekin tibbiy ko‘rikdan o‘tishi zarur. U bizga “Sevilya”ga qarshi o‘yinda yordam bera olmasligi aniq.
Hozir qur’a tashlash marosimi haqida o‘ylamayapman. To‘g‘ri, PSJ bu mavsum ajoyib natijalarni ko‘rsatyapti. Hozir g‘alaba nashidasidan zavq olib, “Sevilya”ga qarshi o‘yinga tayorgalik haqida o‘ylayapman”, - deydi Zidan.
