O‘zbekiston milliy jamoasiga xorijdan bosh murabbiy taklif qilishga jazm etilgani oddiy muxlislarni behad quvontirmoqda. Nomzodlar bilan tanishib chiqqach, xursandchiligimiz yanada oshdi.
Chunki futbolimizga malakali mutaxassislar, aniqrog‘i, xorij tajribasi yetishmayotgani ayni haqiqat. Endi munosib murabbiy bilan qisqa emas, ma’lum muddatga mo‘ljallangan shartnoma tuzilishi kerak.
Menga qolsa, O‘FF rahbariyatidan yoshlar va o‘smirlar terma jamoalariga ham futbolchilarimiz ongi va yondashuviga ta’sir o‘tkaza oladigan tajribali murabbiy olib kelishini so‘rardim.
Zero, iste’dodli yoshlarni milliy jamoaga talab darajasida tayyorlab borish eng dolzarb masalalardan biridir.
Ne-ne iqtidorli yigitlarimiz katta futbolga o‘tish jarayonida «yo‘qolib» qolishgani barchaga ma’lum.
Balki ularning dunyoqarashlarini o‘zgartirish kerakdir. Buning uchun esa o‘zgacha fikrlaydigan va buni shogirdlariga yetkaza oladigan murabbiylarga muhtojmiz...
Sobirjon ABDUVALIYEV, Asaka tumani.
