Birlashgan Arab Amirliklarida klublar o‘rtasidagi jahon chempionati davom etmoqda.
Biroz avval, musobaqaning 5-o‘rin uchun o‘tkazilgan bahsida Yaponiyaning "Urava Red Daymonds" klubi Marokashning "Vidad Kasablanka" klubiga qarshi maydonga tushib 3:2 hisobida zafar quchdi. Uchrashuv murosasiz o‘tdi va unda videotakror yordamida penalti belgilandi.
Bugun turnirning dastlabki yarimfinal uchrashuvi bo‘lib o‘tadi. Unda Gremio (Braziliya) - Pachuka (Meksika) klublari bahs olib borishadi.
KJCH-2017. 5-o‘rin uchun bahs
Vidad Kasablanka (Marokash) - Urava Red Daymonds (YAponiya) - 2:3
Gollar: 0:1 – 18 Maurisio, 1:1 – 21 El-Xaddad, 1:2 – 26 Kasivagi, 1:3 – 60 Maurisio, 2:3 – 90, penalti Xajuj.
Vidad – Benashur, Uattara, Rabe, Nairi, Gaddarin, Ait-Ben-Idir, El-Karti, Xadruf (Saidi, 74), Aulad (Tigazui, 76), El-Xaddad (Doa, 87), Xajuj.
Urava Red Daymonds – Nicikava, Makino, Maurisio, Morivaki, Aoki, Kasivagi, Nagasava, Abe, Rafael Silva (Umesaki, 58; Lyubiyankich, 77), Koroki, Muto.
Ogohlantirishlar: Nairi (36), El-Karti (80), Lyubiyankich (85).
