Ko‘z ochib yumguncha Oliy liga 2017 ham o‘z poyoniga yetdi. Mavsum tugagandan buyon saytimiz orqali sizlarga turli statistik ma’lumotlarni taqdim etib kelyapmiz.
Endi navabat Oliy liga 2017 “o‘tkir nayza”siga ya’ni mavsum to‘purari Marat Bikmayevga yetib keldi.
“Lokomotiv” xujumchisi bu mavsum o‘zining eng yaxshi mavsumini o‘tkazdi desak ham bo‘laveradi. Yakunda Marat 25 ta o‘yin o‘tkazib 26 ta gol urib, jamoasining chempionligiga katta hissa qo‘shdi.
Aynan shu sababdan Marat Bikmayev haqida siz bilgan va bilmagan ma’lumotlarni taqdim etishni joiz topdik.
Futbolga qanday kirib kelgan
Marat Rifkatovich Bikmayev 1986 yil 1 yanvarda Toshkentda tavvalud topgan. Professional faoliyatini 2002 yili “Paxtakor” jamoasida boshlaydi. Marat “Paxtakor” tarkibida 39 uchrashuvda maydonga tushib, 14 bor raqiblar darvozasini ishg‘ol qiladi.
2004 yili Marat “Krilya Sovetov” jamoasiga o‘tadi va u yerda yarim yilni o‘tkazib, 7 ta o‘yinda maydonga tushadi. Keyinchalik Marat Bikmayev “Rubin” jamoasi bilan shartnoma imzolaydi, afsuski u yerda bitta ham o‘yinda maydonga tusha olmaydi.
“Rubin”da ishlari yurishmagan Marat “Spartak” jamoasiga kelib qo‘shiladi va debyut o‘yinini 2008-yil 15 martda “Saturn” jamoasiga qarshi o‘tkazadi. Marat “Saturn” jamoasida 48 ta o‘yinda 3 ta gol urishga erishadi.
Keyinchalik Marat “Alaniya”, “Amkar” jamoalarida o‘ynaydi va 2012 yili Qozog‘iston chempionatiga kelib qoladi. U yerda “Aktobe” jamoasi sharafini himoya qiladi.
2013- yili jamoasi bilan Qozog‘iston chempioni nomiga sazovor bo‘lgan. 2014- yili Marat Bikmayev yana O‘zbekiston chempionatiga qaytadi va “Lokomotiv” jamoasi bilan shartnoma imzolaydi.
Maratning “Lokomotiv” dagi debyuti omadli chiqadi 89–daqiqada maydonga tushib oradan bir daqiqa o‘tgach, o‘zining “Lokomotiv”dagi ilk golini kiritadi.
Xayotda qanday inson DAVOMI
