Madridning “Real” klubi yetakchisi, amaldagi “Oltin to‘p” egasi Krishtianu Ronaldu sovrinni olgani haqida gapirdi.

“Har doim futbol tarixida o‘z izimni qoldirishni istardim. Bir necha sovrinlarni qo‘lga kiritib, xuddi Messi kabi, futbol tarixining debochasini yozdim.

Bu faoliyatimdagi eng yaxshi onlardir. Bu esa meni futbolga bo‘lgan ishtiyoqimni oshiradi. O‘z ishim yoqadi, har doim oldinga qarab intilaman, bundan esa rohatlanaman. Muxlislarga esa futbol lazzatini taqdim etish qiyindir”, - deydi Ronaldu.