Avval xabar qilganimizdek, yangi mavsum tayyorligini davom ettirayotgan jamoamiz, mamlakatimizning U-23 terma jamoasi bilan nazorat uchrashuvida maydonga tushadi. Vohalik futbol ishqibozlari qiziqarli uchrashuv guvohiga aylanishi mumkin.

Nazorat uchrashuvi 22 dekabr juma kuni Qarshi shahridagi “Markaziy” stadionimizda bo‘lib o‘tadi. Uchrashuv avval xabar berganimizdek soat 15:00da emas, balki 17:00da boshlanadigan bo‘ldi.

O‘zingizga ma’lum, U-23 terma jamoamizga taniqli murabbiy Ravshan Haydarov murabbiylik qilmoqda.  Terma jamoamiz, 9-15 dekabr kunlari Tailandda bo‘lib o‘tgan “M150 Cup-2017” xalqaro musobaqasida ishtirok etishib, musobaqa g‘olibligini qo‘lga kiritishdi.

Ayni paytda jamoa tarkibi quyidagi futbolchilardan iborat:

Darvozabonlar: Dilshod Hamroyev (“Navbahor”), Botirali Ergashev (“Paxtakor”), Rahimjon Davronov (“Mash’al”);

Himoyachilar: Rustam Ashurmatov (“Bunyodkor”), Doston Tursunov (“Neftchi”), Islomjon Qobilov (“Bunyodkor”), Husniddin G‘ofurov (“Neftchi”), Abbosjon Otaxonov (“Navbahor”), Hojiakbar Alijonov (“Paxtakor”), Akrom Komilov ("Bunyodkor"), Oybek Rustamov (“Qo‘qon-1912”);

Yarim himoyachilar: Doston Hamdamov (“Bunyodkor”), Odil Hamrobekov (“Nasaf”), Azizjon G‘aniyev (“Nasaf”), Javohir Siddiqov (“Qo‘qon-192”), Jasurbek Yaxshiboyev (“Paxtakor”), Doniyor Narzullayev (“Nasaf”), Suhrob Nurulloyev (“Paxtakor”), Otabek Shukurov (“Bunyodkor”), Abdujamol Isroilov (“Neftchi”);

Hujumchilar: Azizbek Amanov (“Lokomotiv”), Zabihillo O‘rinboyev (“Paxtakor”), Bobir Abdixoliqov (“Nasaf”), Andrey Sidorov (“Qo‘qon-1912”).

Bo‘lajak nazorat uchrashuvi, U-23 terma jamoamiz uchun 2018 yil yanvar oyida Xitoyda bo‘lib o‘tadigan Osiyo chempionati oldidan tayyorgarlik vazifasini o‘tab beradi.  

Barcha futbol ishqibozlarini ushbu uchrashuvga taklif etib qolamiz. Stadionga kirish hamma uchun erkin.