Ma’lumki, kikboksing sport turining «TNA» versiyasida faqat zarba texnikasidan foydalangan holda jang olib borish talab etiladi. «Vityaz Fight» jamoasi tarkibida musobaqalarda qatnashgan hamyurtimiz Sher Mamazulunov rossiyalik raqibi Dmitriy Menshikovni ochkolar bo‘yicha mag‘lubiyatga uchratib, mutlaq jahon chempioniga aylandi.
— Jang juda keskin o‘tishini oldindan sezgandim, — dedi Sher. — Ammo men ushbu jangga har jihatdan tayyor edim…
Ajablanarlisi, Sher kikboksing bo‘yicha mashg‘ulotlar o‘tkazish, chempionatlarga tayyorlanish bilan bir vaqtda avtomoykada ham ishlaydi. O‘zining aytishicha, bu narsa unga sira xalal bermaydi.
Biz ham hamyurtimiz Sher Mamazulunovni jahon chempioni degan yuksak nomga sazovor bo‘lgani bilan chin ko‘ngildan muborakbod etib qolamiz.
