"Atletiko" bosh murabbiyi Diyego Simeone Ispaniya chempionatining 17-turida "Espanyol"dan uchralgan mag‘lubiyat haqida gapirdi.
Bu uchrashuvda "matraschilar"ning o‘tgan mavsumda boshlangan mag‘lubiyatsiz seriyasiga nuqta qo‘yildi.
"O‘yinning borishidan ma’lum ediki, birinchi bo‘lib xatoga yo‘l qo‘ygan jamoa yutqazar edi. Bu teng va og‘ir o‘yin bo‘ldi. Biz xato qildik ular esa - yo‘q. Shuning uchun yutqazdik. "Espanyol" taktik jihatdan aqlli o‘ynadi. Umuman, o‘yin yaxshi bo‘ldi.
20 ta mag‘lubiyatsiz o‘yindan keyin birinchi mag‘lubiyat - orqaga emas, oldinga qo‘yilgan qadamdir. Umid qilamanki, keyingi mag‘lubiyatimiz ham 20 ta o‘yindan so‘ng bo‘ladi", - deydi Simeone.
