"Атлетико" бош мураббийи Диего Симеоне Испания чемпионатининг 17-турида "Эспаньол"дан учралган мағлубият ҳақида гапирди.
Бу учрашувда "матрасчилар"нинг ўтган мавсумда бошланган мағлубиятсиз сериясига нуқта қўйилди.
"Ўйиннинг боришидан маълум эдики, биринчи бўлиб хатога йўл қўйган жамоа ютқазар эди. Бу тенг ва оғир ўйин бўлди. Биз хато қилдик улар эса - йўқ. Шунинг учун ютқаздик. "Эспаньол" тактик жиҳатдан ақлли ўйнади. Умуман, ўйин яхши бўлди.
20 та мағлубиятсиз ўйиндан кейин биринчи мағлубият - орқага эмас, олдинга қўйилган қадамдир. Умид қиламанки, кейинги мағлубиятимиз ҳам 20 та ўйиндан сўнг бўлади", - дейди Симеоне.
