“Milan” jamoasi bosh murabbiyi Jennaro Gattuzo “Atalanta” (0:2) klubidan uchralgan mag‘lubiyat xususida to‘xtaldi.
“Ko‘p jihatlarda oqsadik, o‘yinni o‘zimiz xohlagandek boshlagandik. Raqiblar hisobni ochganidan keyin, juda qiynaldik.
Ayni damda holatimiz juda og‘ir, muxlislarimiz esa bizdan juda ko‘p narsalarni xohlashmoqda. Biroq men jamoani oldinga torta oladigan futbolchini ko‘ra olmayapman. Faqatgina talab qiladigan muxlislar ko‘rinmoqda.
Bugun men “Milan”ning bosh murabbiyiman, demak, jamoaning kichik muammosiman. Hammasi ham jismoniy tayyorgarlikka bog‘liq emas, ruxiy holatlar ham bor. Nimadir o‘xshamayotganida, jamoaviy o‘yin ko‘rsata olishimiz kerak.
Agarda jamoaning muammosi hisoblansam, albatta, iste’foga chiqishga tayyorman”, - deydi Gattuzo.
