“Милан” жамоаси бош мураббийи Женнаро Гаттузо “Аталанта” (0:2) клубидан учралган мағлубият хусусида тўхталди.

“Кўп жиҳатларда оқсадик, ўйинни ўзимиз хоҳлагандек бошлагандик. Рақиблар ҳисобни очганидан кейин, жуда қийналдик.

Айни дамда ҳолатимиз жуда оғир, мухлисларимиз эса биздан жуда кўп нарсаларни хоҳлашмоқда. Бироқ мен жамоани олдинга торта оладиган футболчини кўра олмаяпман. Фақатгина талаб қиладиган мухлислар кўринмоқда.

Бугун мен “Милан”нинг бош мураббийиман, демак, жамоанинг кичик муаммосиман. Ҳаммаси ҳам жисмоний тайёргарликка боғлиқ эмас, рухий ҳолатлар ҳам бор. Нимадир ўхшамаётганида, жамоавий ўйин кўрсата олишимиз керак.

Агарда жамоанинг муаммоси ҳисоблансам, албатта, истеъфога чиқишга тайёрман”, - дейди Гаттузо.