Ispaniyalik yarim himoyachi Serxi Roberto faoliyatini qolgan qismini ham Kataloniyaning “Barselona” klubida davom ettirishi mumkin.

Xabarda aytilishicha, “Barselona” 25 yoshli ispaniyalik futbolchiga bir umrlik shartnoma taklif etgan. Robertoning agenti esa hozirda ushbu shartnomani to‘liq o‘rganib chiqmoqda. Ma’lumot uchun, Robertoning amaldagi shartnomasi 2019 yilga qadar amal qiladi.

“Klub va futbolchi orasida shartnomani uzaytirish bo‘yicha istaklar bir xil bo‘lmasligi mumkin, ammo barchasi yaqin kunlarda hal bo‘ladi. Umid qilamizki, shartnoma yaqin kunlarda uzaytiriladi”, – deya yozadi “Barselona”dagi manbalar. Serxining atrofidagi voqealarni hozirda “Chelsi” va “Manchester Yunayted” klublari kuzatib bormoqda.