Испаниялик ярим ҳимоячи Серхи Роберто фаолиятини қолган қисмини ҳам Каталониянинг “Барселона” клубида давом эттириши мумкин.
Хабарда айтилишича, “Барселона” 25 ёшли испаниялик футболчига бир умрлик шартнома таклиф этган. Робертонинг агенти эса ҳозирда ушбу шартномани тўлиқ ўрганиб чиқмоқда. Маълумот учун, Робертонинг амалдаги шартномаси 2019 йилга қадар амал қилади.
“Клуб ва футболчи орасида шартномани узайтириш бўйича истаклар бир хил бўлмаслиги мумкин, аммо барчаси яқин кунларда ҳал бўлади. Умид қиламизки, шартнома яқин кунларда узайтирилади”, – дея ёзади “Барселона”даги манбалар. Серхининг атрофидаги воқеаларни ҳозирда “Челси” ва “Манчестер Юнайтед” клублари кузатиб бормоқда.