Ushbu mavsumdan boshlab, Superliga hamda Pro-Liga klublariga nisbatan ko‘riladigan intizomiy hamda jarima sanksiyalari o‘zgartirildi. Endilikda, klub, klub rasmiylari va boshqalarga qo‘llaniladigan intizomiy va jarima choralari biroz o‘zgardi.

Sanksiyalar xarakteri hamda summasi O‘FF Tarti-intizom Qo‘mitasi tomonidan uning jiddiylik hamda yumshatuvchi omillari hisobga olingan holda belgilanadi. Jarima sanksiyalari qo‘shilib, umumiy hisoblanishi mumkin.

Klub (stadion)larga nisbatan qo‘llaniladigan sanksiyalar:

a) ogohlantirish;

b) uchrashuvni muxlislarsiz o‘tkazish;

v) stadionni diskvalifikasiya qilish;

g) uchrashuvni neytral stadionda o‘tkazish (boshqa shaharda);

d) uchrashuvni qayta o‘tkazish;

YE) uchrashuv hisobini bekor qilish;

j) texnik mag‘lubiyat; 

z) moddiy jarima 500 000 000 so‘mgacha;

i) yangi futbolchilarni ro‘yxatdan o‘tkazishga ruxsat bermaslik; 

k) ochkolar olib tashlanishi;

l) musobaqa ishtirokchilari safidan chiqarilishi. Ushbu sanksiyalar quyidagi holatlarda qo‘llaniladi:

5.2. Maydondan beruxsat chiqib ketish, uchrashuv o‘tkazishdan bosh tortish:

5.3. Uchrashuvga tashrif buyurmaslik:

Shuningdek, klub rahbarlari, rasmiylar va futbolchilarning uchrashuvdan oldin, uchrashuv davomida hamda uchrashuvdan keyingi noetik, sportchilarga hos bo‘lmagan hatti-harakatlari uchun;

Hakamlar, nazoratchi, PFL komisssari, mehmon jamoa hamda uchrashuvning boshqa rasmiylarini kutib olish hamda kuzatishda Reglament talablarini bajarmasa;

Musobaqalar reglamenti asosida klublar hamda stadionlarga qo‘yilgan har qanday talablar bajarilmasa, ularga nisbatan shuningdek, 500 000 000 so‘mgacha jarima qo‘llanilishi mumkin.

Rasmiy shaxslar, klub (jamoa) rahbarlari hamda klubning boshqa xodimlariga nisbatan qo‘llaniladigan intizom va jarima sansiyalari:

a) ogohlantirish;

b) O‘zbekiston Chempionati, O‘zbekiston Birinchiligi hamda O‘zbekiston Kubogi uchrashuvlarini o‘tkazish bilan bog‘liq rasmiy majburiyatlaridan diskvalifikasiya qilish yoki ma’lum muddatga chetlatish;

v) 500 000 000 so‘mgacha moddiy jarima;

g) murabbiydan lisenziyasini olib qo‘yish;

d) har qanday turdagi futbol faoliyatidan ma’lum muddatga chetlatish.

Ushbu sanksiyalar uchrashuvdan oldin, uchrashuv vaqtida yoki uchrashuvdan keyingi har qanday noetik va sportchilarga hos bo‘lmagan hatti-harakatlar, musobaqa o‘tkazish hamda lisenziya bo‘yicha talablar qo‘pol ravishda buzilsa va shu kabi boshqa holatlarda qo‘llaniladi.