"Manchester Yunayted" bosh murabbiyi Joze Mourinyo "Chelsi" ustozi Antonio Kontening o‘z sha’niga nisbatan aytgan gaplariga javob qaytardi.
Mourinyo yaqinda o‘yin vaqtida o‘zining xotiram bo‘lib qolganligi haqida gapira turib: "O‘Zimni maydon chetida maymundek tutmayotgan bo‘lsam, bu o‘yinga bo‘lgan hissiyotim yo‘qoldi degani emas" degan edi. OAV bunda Konte nazarda tutilgan deya taxmin qildi. Konte esa bunga javoban: "U o‘zini o‘tmishiga qarasin, balki, o‘zi haqida gapirgandir" degan edi.
"Bunga nuqta qo‘yish uchun aytadigan yagona gapim shu: Ha, o‘tmishda maydon chetida turib olib xatolar qilgandirman. Kamroq xato qilishga harakat qilaman, ammo yana xato qilishim mumkin. Ammo bir narsa menda hech qachon bo‘lmagan va bo‘lmaydi ham: men hech qachon kelishilgan o‘yinlar uchun diskvalifikasiya qilinmaganman", - deydi Mourinyo.
Mavsum-2012/13 da Konte "Yuventus" bosh murabbiyi sifatida 2011 yilgi kelishilgan o‘yinlar haqida xabar qilmagani uchun 4 oyga diskvalifikasiya qilingan edi.
