"Barselona" hujumchisi Luis Suares "Levante" ustidan qozonilgan g‘alabadan so‘ng (3:0) kataloniyaliklar safida sobiq jamoadoshi Filipe Koutinyoni ko‘rib turganidan xursand ekanini aytdi.

"Do‘stim va sobiq jamoadoshim sifatida Koutinyoning "Barselona"ga o‘tganidan juda xursandman. U jamoaga ko‘p narsa beradi deb o‘ylayman.

Uning yuqori saviyali o‘yinchi ekani hammaga ma’lum, u ko‘p yillardan beri yuqori saviyada o‘ynab kelyapti.

Tanaffusdan so‘ng "Levante" bilan uchrashuvda jismoniy tomondan ba’zi muammolarga duch keldik. Qishki tanaffus kabi yaxshi mashg‘ulotlar ham juda muhim", - deydi Suares.