Avval xabar berganimizdek, bugun “ajdarlar” Toshkentda “So‘g‘diyona” jamoasi bilan nazorat uchrashuvida maydonga tushdi.
Nazorat uchrashuvi TTYMI stadionida bo‘lib o‘tdi. Uchrashuvda futbolchilarimiz raqib darqozasiga uchta gol urib, g‘alaba qozonishdi.
Uchrashuvdagi gollarga Dragan Cheran (2ta) va yaqinda jamoamiz safiga qo‘shilgan Sanjar Rashidovlar mualliflik qilishdi.
Uchrashuvda 20 nafar futbolchilarimiz maydonga tushishdi.
Bugun safimizga yana bir yangi futbolchi qo‘shildi. Yangi futbolchi, avval Bekobodning “Metallurg” jamoasida to‘p surgan o‘ng qanot himoyachisi Mirg‘iyos Sulaymonovdir. Mirg‘iyos Sulaymonov bugungi uchrashuvda to‘liq harakat qildi. Bu futbolchi ham jamoamizning xorij yig‘inida ishtirok etadi.
Yangi futbolchi haqida qisqacha ma’lumot.
Ismi sharifi: Mirg‘iyos Sulaymonov
Tug‘ilgan sanasi: 02.01.1991 yil (27 yosh)
Ampluasi: himoyachi
Klubi: “Metallurg” (Bekobod)
Quyida bugungi nazorat uchrashuvida maydonga tushgan futbolchilar bilan tanishing.
Nazorat uchrashuvi
“Nasaf” (Qarshi) – “So‘g‘diyona” (Jizzax) 3:0 (1:0)
08.01.2018. TTYMI stadioni. 15:00
Gollar: Dragan Cheran, 38’-1:0, 66-2:0, Sanjar Rashidov (pen.), 88’-3:0
“Nasaf”: Sanjar Quvvatov, Murodjon Toshmatov (SHerzod Nasrullayev 67), G‘olib G‘aybullayev, Igor Golban (Ilhomjon Alijonov 81), Mirg‘iyos Sulaymonov, Islom Kenjaboyev (Jasur Hasanov 46), Sharof Muhitdinov (Najmiddin Normurodov 46), Dilshod Sayitov (Akmal Mozgovoy 75), Dragan Cheran (Dilshod Xushbakov 81), Jahongir Aliyev (Xudoyorxon Sag‘dullayev 67), Islom Rashidxonov (Sanjar Rashidov 46).
Jamoamiz ertaga ertalab Toshkentdan Turkiyaga jo‘nab ketishadi. Xorij yig‘ini Turkiyaning Belek shahrida bo‘lib o‘tadi.
