“Liverpul”dan “Barselona” safiga kelib qo‘shilgan Filippe Koutinyo “Kamp Nou” o‘yingohidaga tanishtiruv marosimidan so‘ng g‘alati voqea ro‘y berdi.

Ma’lum bo‘lishicha, “Kamp Nou” stadioni oldida 2014/2015 yil mavsum boshidagi ilk o‘yinda maydonga tushgan qora mushuk yana paydo bo‘lgan.

Eslatib o‘tamiz, bu holat sodir bo‘lganidan so‘ng “anorranglilar” o‘sha mavsumni juda og‘ir o‘tkazishgandi.

Ammo yakunda kataloniyaliklar Ispaniya chempionati, Yevropa Chempionlar Ligasi va Ispaniya kubogi musobaqalarining barchasida g‘olib chiqib, trebl qayd etishganini aytib o‘tish joiz.