“Barselona” sobiq yarim himoyachisi Xavi kelajakda kimlar dunyoning yetakchi futbolchisi bo‘la olishini aytdi.
“Messi va Ronaldu davridan so‘ng Neymar yetakchilikni qo‘lga olishi mumkin. Braziliyada JCH-2018 finaliga yetib borish uchun imkoniyatlari yetarli. Neymar davri uch, to‘rt yil davom etadi. Shundan so‘ng, Mbappening vaqti keladi. Uning jismoniy holati yoshiga to‘g‘ri kelmaydi, shuning uchun u bemalol yetakchilikni qo‘lga olishi mumkin. Menimcha Neymarning o‘yin uslubi Messiga o‘xshab ketadi. Mbappeda iqtidoridan ko‘ra jismoniy imkoniyatlari yuqori. Iqtidorli futbolchilarda bu hislatlarning ikkisi ham mujassam bo‘lgan. Masalan, Maradona, Pele, Ronaldu, Messi, Neymar. Mbappeda iqtidor bor, uning o‘yin uslubi ko‘proq Anrini eslatib yuboradi. Kilian o‘yin jarayonini yaxshiroq tushunib olishi lozim. Uning qolgan o‘yinlarda qanday harakat qilishini kuzatmoqchiman. Hozircha Neymar undan kuchliroq”, - dedi Xavi.