"Barselona"ning sobiq himoyachisi, saraton kassaligidan so‘ng shifo topgan Erik Abidal o‘zining bemorlik davri haqida so‘zlab berdi.

"Bu og‘riqni butun umr esdan chiqarmayman. U chidab bo‘lmas edi, xuddi qadalgan pichoq kabi og‘riq edi. Doktor menga operasiya qilish lozimligini aytganida, baxtiyor edim. Bu qiyinchilikni hech kimga ravo ko‘rmayman.

Men juda ozib ketdim. Bir kuni o‘yin oldidan jamoadoshlarimni qo‘llab-quvvatlash uchun ularga video yubordim. Bilasizmi, shunda Messi menga nima degan? "Bizga boshqa bunday narsalarni yuborma, chunki ichimiz og‘riyapti". Men bunga boshqa tomondan qaragandim va yigitlarni qo‘llabquvvatlamoqchi edim, ammo yigitlar mening xuddi murdadek ko‘ringanimni va bu ularni xafa qilganini aytishdi.

Tyerri Anri mendan hol so‘rash uchun shifoxonaga kelganida yig‘lab yuborgan edim. U meni bu ahvolda ko‘rishini istamasdim, ammo uning kelganidan xursand bo‘lgandim", - deydi Abidal.